Այսօր՝ հուլիսի 1-ին կեսօրից հետո Տավուշի մարզում՝ Մեհրաբի շրջանում (նախկին Շամշադին) թշնամու կողմից դարձյալ դիվերսիոն գործողություններ են իրականացվել, սակայն ընկել են շրջափակման մեջ:
Այս մասին տեղեկությունները հաստատում են ՀՀ ՊՆ-ից: ՀՀ ՊՆ մամլո խոսնակ Արծրուն ՀովհաննիսյանըԳԱԼԱ-ի հետ զրույցում ասաց, որ մանրամասներ կհաղորդեն ավելի ուշ: Եվ որ հայկական կողմից զոհեր և վիրավորներ չկան: Հայկական կողմը կարողացել է կասեցնել ադրբեջանցիների առաջխաղացումը:
ԳԱԼԱ-ի այն հարցին, թե ինչի հետ է կապված ադրբեջանական կողմի այս աստիճան ակտիվացումը, որ անգամ օրը ցերեկով դիմում են դիվերսիոն գործողությունների, ՀՀ ՊՆ մամլո խոսնակը պատասխանեց, որ ավելի շատ ադրբեջանցիների գործողությունները պայմանավորված են արտաքին գործոններով:
«Ցանկանում են ազդել համաշխարհային հանրության վրա, տպավորություն ստեղծեն, թե եթե այս հարցը չլուծեն, տեսեք, թե ինչ կանեն…»:
ՊՆ մամլո խոսնակ Ա. Հովհաննիսյանի խոսքով՝ հայկական կողմը գիշեր թե ցերեկ պատրաստ է կասեցնել ցանկացած դիվերսիոն փորձ:
Աղբյուր` www.galatv.am
Հավանեցի՞ր, դե տեղեկացրու ընկերներիդ`
0 մեկնաբանություն:
Post a Comment